Rabensteiner:

„Gegen all euer Leiden verschreibe ich euch Lachen“, sagte der französische Arzt und Humanist François Rabelais. Die wöchentliche Dosis Medizin verabreicht Fritz Rabensteiner.

Wien, 6. Februar 2021

Hofer: „Oisdann Herbert, mir ham gsogt, wir starten a Großoffensive. Wir kümmern uns im neichn Johr intensiv um die Corona-Verlierer und die Intellektuellen. Richtig?“

Kickl: „I bin do im wigl-wogl.“

Hofer: „Wieso jetzt auf amoi? Stundenlang hamma drüber diskutiert. Langsam kenn i mi bei dir nimma aus.“

Kickl: „Fiar di Intellektuellen brauch ma wen mit an Titel. Homma bade nid.“

Hofer: „Hallo, i bin Ingenieur.“

Kickl: „Geh bitte, des is do ka akademischer Titel. Da Breitfuss von da MA2412 wor a Ingenieur. Oder der Hojac.“

Hofer: „Wer?“

Kickl: „Der Westenthaler.“

Hofer: „Der hot Hojac ghoaßn? Ist des a Tschusch?“

Kickl: „Na, des is tschechisch. Oba den Namen hot er ändern lossn. Sonst hätt ihn da Haider net amoi anbrunzt.“

Hofer: „Dann vaschieb ma des mit die Intellektuellen am besten.“

Kickl: „Sehr brav, Norbert. Vom Hudeln wern lei Kinder.“

Hofer: „Die Gscheitn hätt ma eh net kriagt. Bleibn no die Verlierer. Oiso ganz ehrlich, für mi is die Bierzeltpartie nix. I kaun die John Otti Band schon nimma hörn. Soll i den Vilimsky frogn, ob er sie drum kümmern will?“

Kickl: „Na, net den Pleampl.”

Hofer: „Oder den Doskozil. Vielleicht will er die Partei wechseln. Manchmal schauts nämlich ganz danach aus. Als ehemaliger Kieberer passat der guat zu uns.”

Kickl: „Auf gor kan Fall. Wir dürfen unsere Wähler net verschrecken. Der Doskozil is viel zu rechts.”

Hofer: „Mir brauchn an Dampfplauderer. Soi ma den Grosz reaktivieren? Der hot vü Meinung bei wenig Ahnung, schwadroniert oba imma so supa beim Fellner.“

Kickl: Siha nid. No so an Vorschlag und i schmeiss die samt dein Steckn ausn Fenster.“

Hofer: „Vielleicht der Nepp? Do kennt ma a deine oiden Slogans wieder hernehmen. Wiener Blut – zu viel Fremdes tut niemandem gut. Oder Pummerin statt Muezzin.

Kickl: „Vergiss es, der Nepp is a Verlierer, quasi totes Fleisch.“

Hofer: „Wir brauchn an, der auf Augenhöhe mit die Verlierer is. An, dem olles wurscht is, der kan Genierer hot.“

Kickl: „Host du nu die Nummer vom Strache?“

Mehr über den Autor finden Sie hier